အဲဒီကာလမှာ
ဗိုလ်နေ၀င်းအစိုးရက “ငြိမ်းချမ်းရေးဆွေးနွေးပွဲ”အတွက် ကမ်းလှမ်းခဲ့ပြီး ဗွေဆော်ဦးအဖြစ်
အလံနီပါတီနဲ့ ငြိမ်းချမ်းရေးပျက်သွားတဲ့ အခြေအနေပါ။ မဒညတနဲ့ဆွေးနွေးနေဆဲလို့ ကျနော်မှတ်မိနေပါတယ်။
ဗမာ့နိုင်ငံရေးလောကအတွင်းမှာအတော်ကလေးဂယက်ထနေတဲ့အချိန်ကာလပါ။လူထုထဲမှာ ငြိမ်းချမ်းရေးဆန္ဒပြပွဲတွေရှိနေပြီး၊ နိုင်ငံရေးဖော်ပြချက်က
“ငြိမ်းချမ်းရေး”ဆိုနေပေမဲ့ ဘက်ပေါင်းစုံက “အတွင်းစည်း”တွေမှာတော့ “ကြိတ်ဝိုင်း”တွေမှာငြင်းကြခုံကြ၊အမြုပ်ထနေတဲ့ကာလပ။“ငြိမ်းချမ်းရေး”ကိုယုံကြည်သူတွေရှိသလို မယုံကြည်သူတွေကလည်းအများကြီးပဲ
အယူအဆ အတွေးအခေါ် တိုက်ပွဲတွေကြိတ်ပြီး ညံနေခဲ့တယ်လို့ဆိုရမှာပါ။
လူထုမြင်ကွင်းမှာတော့
“ငြိမ်းချမ်းရေး”အလံတလွင့်လွင့်ရှိနေခဲ့ပါတယ်။ ဒီအတော်အတွင်းမှာ ကျွန်တော်လည်း “အောင်ဂျမ်း”ဖြစ်
လိုက်၊ “ညိုမောင်”ဖြစ်လိုက်၊ “လှစီသီး”ဖြစ်လိုက်နဲ့ “ပုတ်သင်ညို”အရောင်ပြောင်းသလို
သွားလာလှုပ်ရှားခဲ့ရပါတယ်။ ကျွန်တော်တခါဖူးမှ မတွေ့ဖူးတဲ့ “ရဲဘော်တွေ”နဲ့လည်း ရံဖန်တွေ့ရပါတယ်။ “စစ်နိုင်ရေး၊ အာဏာသိမ်းရေး” လမ်းစဉ်
အကြောင်းလည်း တချို့ရဲဘော်များနဲ့ ဆွေးနွေးရပါတယ်။ အမှန်အတိုင်းပြောရရင် တချို့ကိုနားလည်၊
တချို့ကို သိပ်နားမလည်နိုင်ခဲ့ပါဘူး၊ တွေ့ရတဲ့သူတွေက ကျနော်ရှေ့သွား နှင့်သူတွေ၊ တာဝန်ကြီးကြီးယူထားသူတွေ
ဆိုတာကလွဲလို့ သူတို့နာမည်တွေကိုတောင် ကျနော်မသိပါဘူး။ ဥပမာ ရဲဘော်ရွှေဆိုပြီး ကျနော်နဲ့
တွေ့ခဲ့ဖူးသူဟာ “ရဲဘော်ဗိုလ်ပု”ဆိုတာ နောက်တနှစ်လောက်ကျမှပဲ ကျနော်သိခဲ့ရပါတယ်။ လေးသန်းရယ်
ကျနော်ရယ် နှစ်ဦး သားဆုံဖြစ်တဲ့ အခါတိုင်းမှာလည်း
“ဒီက ဟိုကိုသွားဖို့၊ ဒါကို ဘယ်ကနေ ဘယ်ကိုပို့ဖို့” ဆိုတဲ့ အလုပ်တွေနဲ့ပဲ ပိနေခဲ့တာမို့၊
သတင်းစာ တိုက်ရှိတဲ့ ကျုံးကြီးလမ်းကိုတောင် မှန်မှန်မရောက်ဖြစ်ပါဘူး။
မြေပေါ်မှာပဲ
တောက်လျှောက် ရှိနေခဲ့ကြတဲ့ စီစီ(ဗဟိုကော်မတီ) သုံးယောက်အကြောင်းကိုလဲ မကြာမကြာ လေးသန်းပြောလို့
သိရပါတယ်။ သူတို့လဲ သူတို့နိုင်တဲ့ ပြင်ပတာဝန်ကို လုပ်နေကြတယ်လို့တော့ ကျနော်ခန့်မှန်းမိပါတယ်။
တချိန်ချိန်မှာ သူတို့နဲ့ ကျနော် ထပ်မံပတ်သက်ရလိမ့်မယ်လို့တော့ ကျနော်မထင်ထားခဲ့ပါဘူး။
မြေပေါ်ကနိုင်ငံရေးပါတီတွေ၊
အမှုထမ်းသမဂ္ဂ၊ ကျောင်းသားသမဂ္ဂနဲ့ တပ်တွင်းက အချို့အင်အားစုတွေအကြောင်း၊ အဒီတွေမှာ လှုပ်ရှားနေကြတဲ့
“အလုပ်”တွေအကြောင်းကို လေးသန်းက ကျနော့ကို ရှင်းပြပါတယ်။ နံမည်နာမတွေကို မသိပေမဲ့‘အလုပ်’
သဘောကို တော့ ကျနော်အတော်ကလေး သဘောပေါက်လာပါတယ်။
ကျနော်နဲ့
“ပုဂံ”တွေ့ရပုံကလေးကို ဒီမှာ ပြောပြချင်တယ်။ အဲဒီနေ့က နှင်းတွေပိတ်နေအောင် ကျနေပါတယ်။
ကျနော့အခမ်း လေးရဲ့ ဖိနပ်ချွတ် ပက်လက်ကုလားထိုင်ပေါ်မှာ ကျနော်ထိုင်နေပါတယ်။ နှင်းမြူတွေ
ပိတ်နေလို့ ဓာတ်တိုင်တတိုင်စာလောက် အကွာ အဝေးကိုတောင် မမြင်ရပါဘူး၊ ကျနော့ အခန်းရှေ့မြောင်းတူး
တံတားပေါ်မှာ ဘွားကနဲ လူတယောက် ပေါ်လာပါတယ်။ ဆံပင်ကြမ်းကြမ်း ခရှူးကပ်၊ ၀င်းဦးလိုမျိုး
နှုတ်ခမ်းမွှေးစစ၊ ပေါ်ပလင် လက်ရှည်အင်္ကျီ၊ ချည်လုံချည် မန်ကျည်းစေ့ကွက်အနက်။ မျက်လုံးခပ်ဝိုင်းဝိုင်း။
အဲဒါ တွေကကျနော် သတိထားလိုက်မိတာတွေပါ။
“ကျနော့ကို
ပုဂံတိုက်က လွှတ်လိုက်တာပါ။ သူ့အသံက အနည်းငယ်မြန်ပေမယ့် တော်တော်ကြည်လင်တဲ့ အသံမျိုး၊
သီချင်းဆို ရင် ကောင်းမယ့်အသံမျိုး၊ သီချင်းဆိုရင် ကောင်းမယ့်အသံမျိုး၊ ကျနော်ချက်ခြင်းပဲ
သိလိုက်ပါတယ်။
“အော်....
“စာအုပ်ကိစ္စ”ထင်တယ်။ လာဗျို့ အတော်ပဲ ကျနော် အပြင်ထွက်တော့မလို့ ဆိပ်ကမ်းသာဘက် ခဏလျှောက်ရ
အောင်၊ လက်ဖက်ရည်သောက်ရင်းပေါ့။
နှစ်ယောက်သား
နဂိုရ်ကသိမထားပေမဲ့ “စကားဝှက်”တွေကြောင့် ချက်ခြင်းပဲ ရင်းနှီးသွားကြသလို ခံစားရတယ်။
သူက အလုပ် ခပ်ကြမ်းကြမ်းတွေ လုပ်ဖူးတဲ့ရုပ်မျိုးပါ။ ပညာတတ်တယောက်ရဲ့ သဏ္ဍာန်မပေါ်ပါဖူး။
အဲသလိုတွေးရင်းနဲ့ သူနဲ့အတူ ကျနော်အပြင် ထွက်လာခဲ့တယ်။ အိမ်ခန်းတံခါးသော့ကို အိမ်ရှင်အဖွားကြီးဆီ
အပ်ပစ်ခဲ့တယ်။ အဲဒါအဖွားကြီးကလဲ တခါတခါ စပ်စပ်စုစုတွေ မေးတတ် လို့ အကြောဖြတ်ထားခဲ့တာပါ။
သူနဲ့ကျနော်
အလ္လပ သလ္လပတွေဘာမှ မပြောဖြစ်ပါဖူး။ ဒါကလဲ နားလည်ထားပြီးသားပဲလေ။ သူက ကျနော့်ကို “အောင်ဂျမ်း”
လို့ သိတယ်။ ကျနော်က သူ့ကို ‘ပုဂံ’လို့ သိတယ်။ လုံလောက်ပါပြီ။
“မနက်ဖြန်
ခင်ဗျားဆီကို လူတယောက်၊ ကျနော်လာပို့မယ်။ အဲဒီလူက တာဝန်နဲ့ပဲ။ အိမ်ထဲက အိမ်ပြင်ထွက်လို့မရဖူး။
ထွက် ခွင့်လဲ မပြုပါနဲ့၊ သုံးရက်ပြည့်ရင် ကျနော်ပြန်လာခေါ်မယ်။ သူ့နံမယ်က ကိုမြင့်လို့မှတ်ထားပါ။
အဲဒါပဲကဲ ကျနော်ပြန်တော့မယ်။ ခင်ဗျား လစ်တော့”
ဆိပ်ကမ်းသာဘက်က
ဒေါပုံဆီကို ကျနော်ပြန်ခဲ့ချိန် နေ၀င်းဖြိုးဖျဖြစ်နေပါပြီ။ ကျနော့ခေါင်းထဲမှာတော့ အဲဒီ
“ကိုမြင့်”ဆိုတဲ့ လူ ရောက်လာခဲ့ရင် လုပ်ရမယ့်အစီအစဉ်လေးတွေ ဆွဲလာမိပါတယ်။ “ပုဂံ”ကတော့
နေ၀င်ဖြိုးဖျထဲမှာ “အရှေ့ဘက်ကို စီးပြန်၊ အနောက် ဘက်ကိုပြန်” သွားပြီထင်ပါရဲ့။
နောက်တနေ့က၊
တိတိကျကျပြောရရင် ညနေခင်းကလေးမှာပဲ။ ကိုမြင့်နဲ့ ပုံဂံ ကျနော့ဆီ ဆိုက်ဆိုက်မြိုက်မြိုက်
ရောက်လာပါ တယ်။ အသားညိုညို၊ ထောင်ထောင်မောင်းမောင်းနဲ့ ကိုမြင့်ကို ကျနော်အကဲခတ်ကြည့်လိုက်ပါတယ်။
ပဏာမအကဲခတ်ခြင်းလို့ ပြောရင် မမှားပါဖူး။ ရုပ်ရေခမ်ကြမ်းကြမ်းထဲကပဲ၊ အလုပ်သမားတယောက်ရဲ့
ပုံစံအပြည့်ပါ။ အင်္ကျီပြာ၊ ဘောင်းဘီရှည်အပြာ၊ အင်္ကျီ အိတ်အပေါ် က “ဒလသင်္ဘောကျင်း”ဆိုတဲ့ စာတမ်း။
“ပုဂံ”က ကျနော့အခန်းကို ၀င်လာကထဲက “လာပြီဗျို့ကိုအောင်ဂျမ်း၊ ခင်ဗျား နောင်တော်ကြီး
ကလဲ ပန်းဆိုးတန်း ကမ်းနားမှာ အကြာကြီး စောင့်ကြိုခဲ့ရတာ၊ ကဲညီအကိုတွေ စကားပြောရစ်ကြတော့၊
ကျနော်ကတော့ ပုံနှိပ်တိုက်မှာ ညဖေါင် ပြန်ကိုင်ရဦးမယ်။ ကဲ... သွားပြီ”လို့ အော်ကြီးဟစ်ကျယ်
ပြောသွားတာကိုက အကြောင်းရှိတယ်လေ၊ ဒါမှ ပတ်ဝန်းကျင်က သူ တို့သိချင် သလိုသိသွားမှာကိုး၊
ပုဂံကို ကျနော်ချီးကျူး အမှတ်ပေးလိုက်ပါတယ်။
ကျနော်နဲ့ကိုမြင့်ဟာ
အခုမှ တွေ့ဖူးကြတာပါ။ ဒါပေမဲ့ ကွဲနေတာကြာပြီဖြစ်တဲ့ ၀မ်းကွဲညီအကိုဂိုက် အပြည့်ဖမ်းလိုက်နိုင်ပါတယ်။
ဆွေနီးမျိုးစပ်တွေ ပြန်တွေ့ရင် ပြောလေ့ရှိတဲ့ “ရွာက ဒေါ်ကြီးတို့ကော နေကောင်ကြရဲ့လား”တို့
“ဦးလေပိန် သွားမကောင်းတာကော အဆင်ပြေသွားပြီလားတို့” “ဘကြီးသောင်းအတွက် ကျနော်ပို့ပေးလိုက်တဲ့
အနွေးအင်္ကျီ်ရရဲ့လား”တို့စတဲ့ ပဋိသန္ဓာရတွေကို အော်ကြီး ဟစ်ကျယ် ပြောဖြစ်ကြပါတယ်။ တကယ်တော့
“ဒေါ်ကြီး”တို့ “ဦးလေးပိန်”တို့ “ဘကြီးသောင်း”တို့ဆိုတာဟာ ကျနော်တို့ချင်းသာ သိတဲ့
“ကုတ်”တွေပါ။ တာဝန်ရှိသူတွေရဲ့ နာမည်ဝှက်တွေပါ။
“ကဲ...ကိုကြီး
... ရေချိုး ... ပြီးရင်ကျနော် ဘဲဥကြော်ထားတယ်။ ညစာလေး လွေးလိုက်ကြရအောင်”
“နံရံတွေမှာ
နားတွေရှိနိုင်တယ်။ သစ်ပင်တွေမှာ မျက်စေ့တွေရှိနိုင်တယ်”ဆိုတဲ့ ဗင်နီဇွဲလားအဆိုကို
ကျနော်ကောင်းကောင်း သဘောပေါက်နေသလို ကျင့်သားရပြီး “ကိုမြင့်”ကလဲ သဘောပေါက်ပြီးသားပါ။
ဒါကြောင့်မို့ပဲ ကျနော်တို့ ပြောနေကြတဲ့ “အရပ်ထဲက စကားသံ”ကို နားထဲ ကြားမိသူအဖို့ သံသယ
တစုံတရာ မပေါ်နိုင်လောက်ဘူးလို့ ကျနော်ထင်ပါတယ်။
ညကျတော့
ကိုမြင့်က ကျနော့အတွက် သီးခြားအထုတ်ကလေးရယ်။ ကျနော်ကဆက်ပြီး ပို့ပေးရမဲ့ အထုပ်သုံးလေးထုပ်ရယ်ကို
ပေးပါတယ်။ ကျနော့အတွက် သီးခြားအထုပ်ကလေးက စက္ကူဖတ်ကို ဖွင့်လိုက်တာနဲ့ “အောင်မြေ-၂”ဆိုတာရယ်။
ကလစ်နှစ်ချက်ချုပ် ထားတာရယ်ကို တွေ့ရပါတယ်။ စာတမ်းနှစ်စောင်ပါ။ တစောင်က “နာမရူပရုပ်ဝါဒ
လေ့လာချက်”ဆိုတဲ့ စာတမ်း၊ နောက်တခုက “၅၅ လမ်းစဉ်အပေါ် ဝေဖန်ချက်”ဆိုတဲ့ စာတမ်းဖြစ်ပါတယ်။
“နာမရူပ”စာတမ်းကို လေ့လာချက်က “ဆရာချစ်” ရေးတာလို့ နောက်တော့လေး သန်း ပြောပြလို့သိရပါတယ်။
၅၅ စာတမ်းကတော့ ရဲဘော်မြမောင် (ဗကသများအဖွဲ့ချုပ်မှာ နက်ရှိုင်းဆုံးတာဝန်ယူသွားခဲ့သူ
ကိုတင်ထွန်း လို့ နောက်တော့သိရ) ရေးတာဖြစ်ပါတယ်။
အဲဒီကာလမှာ
ဦးနေ၀င်းက လမ်းစဉ်ပါတီကို ဆ.လ.ပ လို့ခေါ်ဖို့နဲ့ လမ်းစဉ်ပါတီရဲ့ သဘောတရားအဖြစ် အညမည
သဘော တရားကို စတင်မိတ်ဆက်ချိန်ဖြစ်ပါတယ်။
အဲဒီ
အညမည သဘောတရားဟာ လမ်းစဉ်ပါတီထဲရောက်နေတဲ့ ဗကပပြန်တွေ၊ အလံနီပြန်တွေရဲ့ ဆွေးနွေးရေးသားချက်တွေ
လို့နားလည်နေကြပါတယ်။
ဒါပေမယ့်
အဲဒီ အညမညဟာ အသစ် မဟုတ်ပါဖူး၊ အခုနင်က ဗကပပြန်တွေ၊ အလံနီပြန်တွေရဲ့ “ဋီကာ”လဲမဟုတ်ပါဖူး၊
ဖဆပလ လက်ထက်က ပြင်သစ်ဆိုရှယ်လစ်ပါတီကို “ပညာတော်သင်” လွှတ်လိုက်တဲ့ ဆိုရှယ်လစ်လူငယ်တွေထဲက
နှစ်ဦးက ပြည်တော် ပြန်လာတဲ့အခါ ဆိုရှယ်လစ်ပါတီမှာ တင်သွင်းပြီး ဦးဗဆွေ၊ ဦးကျော်ငြိမ်းတို့ရဲ့
ကြီးကြပ်ဝေဖန်မှုနဲ့ ထွက်ခဲ့ဖူးတဲ့ “နာမရူပရုပ်ဝါဒ” ဆိုတဲ့ သဘောတရားပါ။ မတ်ခ်စ်ဝါဒနဲ့
ဂျွန်စထရက်ချီရဲ့ ဆိုရှယ်ဒီမိုကရက်ဝါဒ ပြီးတော့ အိန္ဒိယဗေဒတချို့ကို ရောပေါင်း ဖန်တီးထားတာသာ
ဖြစ်တယ်လို့ ကျနော် သိလိုက်ရပါတယ်။ ဒီတော့ ဦးနေ၀င်းဟာ ဦးဗဆွေ၊ ဦးကျော်ငြိမ်း တို့ရဲ့
သဘောတရားကို နာမည်ပြောင်း ပျံ့နှံ့စေ ဖို့လုပ်တာပဲဆိုတာ ရှင်းလင်းလာသလို၊ ဦးနေ၀င်းဟာ
“ဆွေ၊ ငြိမ်း” ဂိုဏ်းကပဲဆိုတာလဲ ဘွားဘွားကြီး ပေါ်နေပါတော့တယ်။ အမှန်က တော့ “ဦးနေ၀င်း”လို့သာ
ပြောနေရတာပါ။ အဲဒီတုန်းကတော့ “ဗိုလ်ချုပ်နေ၀င်း” ဘ၀က မပြောင်းသေးပါဘူး။ အဲဒီကာလမှာ
“ဗိုလ်ချုပ် နေ၀င်း”ကို အထွဋ်အထိပ်ရောက်အောင် ပို့ပေး ၀န်းရံခဲ့ သူတွေဟာလဲ ဆိုရှယ်လစ်ပါတီနောက်ခံ
တပ်မှူးကြီးများဖြစ်ခဲ့ပါတယ်။ သူရို့တ တွေကိုလည်း ဗိုလ်နေ၀င်းက “တတောပြီး တတောရှင်း”နဲ့
တယောက် မကျန်ဖယ်ရှားပစ်ခဲ့တာပါပဲ။
ဒါကြောင့်ပဲ
၆၂ ခုနှစ်မှာ အာဏာသိမ်းပွဲဖြစ်တော့ ပဲခူးကလပ်မှာ ဘိလိယက်ထိုးနေခဲ့တဲ့ ဗိုလ်နေ၀င်းဟာ
အာဏာသိမ်းပွဲရဲ့ ကွပ် ကဲရေးမှူးဖြစ်တဲ့ ဗိုလ်အောင်ကြီးအပါအ၀င် သူနဲ့ ရင်ဘောင်တန်းလာနိုင်တဲ့
ဆိုရှယ်လစ်နိုင်ငံရေးသမားတွေကို “ရေကြည်အိုင်” ပို့ပစ် နိုင်ခဲ့ပြီး သူ့လက်ထက်မှာ အင်အားတစုတစည်းထဲဖြစ်ရေးကို
လုံးပစ်နိုင်ခဲ့ပါတယ်။ ဗမာပြည်မြေပုံကို လက်ဝါးထဲ ထည့်ပြီးကစားနိုင်ခဲ့ ပါတယ်။
တချိန်ထဲမှာပဲ
ကမ္ဘာ့ကွန်မြူနစ်ဆန့်ကျင်ရေးအတွက် “အရင်းကျမ်း”ကိုခေါင်းအုံးအိပ်လို့၊ ဗဟိုထောက်လှမ်းရေး
အေဂျင်စီဆိုတဲ့ စီအိုင်အေကို အသက်သွင်းခဲ့ကြတဲ့ ဂျွန်ဖော်စတာ ဒါးလက်စ်နဲ့ အလဲန်ဒါးလက်စ်တို့
ညီအကိုရဲ့ အာရှ ပစိဖိတ် ပေါ်လစီကလဲ အာရှနိုင်ငံ တွေ၊ လက်တင်အမေရိကနိုင်ငံတွေဆိုတဲ့ ကမ္ဘာ့တောင်ခြမ်းက
“လစ်ဘရယ်အစိုးရ”တွေဟာ “ကွန်မြူနစ်ဆန့်ကျင်ရေး”ကို ပြတ်ပြတ် သားသားမလုပ်နိုင်တဲ့အတွက်
အဲဒီဒေသတွေက “စစ်အာဏာသိမ်းရေးတွေ”ကို ထောက်ခံအားပေးပြီး “ဗိုလ်ချုပ်ကြီး”တွေကို ဘိသိက်
မြောက်ပေးနေတဲ့အချိန်လဲ ဖြစ်ပါတယ်။ ဗိုလ်နေ၀င်း ဗမာပြည်ကို “ကစား”နိုင်ခဲ့တာ၊ “ဗမာ့နိုင်ငံရေး”ကို
“ဆော့”နိုင်ခဲ့တာဟာ အဲဒီနိုင်ငံ တကာအခြေအနေရဲ့ မျက်နှာသာပေးမှုလဲ ပါတယ်လို့ဆိုရမှာပါ။
မိုးစုပ်စုပ်ချုပ်သွားပါပြီ။
ဒေါပုံသစ်လဲ အိပ်မောကျနေပြီ။ ကျနော်ဘေးက ခြင်ထောင်မရှိပဲ စောင်ခေါင်းမြီးခြုံအိပ်နေတဲ့
ကိုမြင့်လဲ တရှူးရှူးဟောက်သံပေးပြီး စိတ်ချလက်ချ အိပ်ပျော်နေပါပြီ၊ ကျနော်ကတော့ မအိပ်ဖြစ်သေးပါဘူး။
မှန်အိမ်အောက်မှာ ဖတ်ပြီးခဲ့တဲ့ စာတမ်းကို ပြန်ပြီးစားမြုံ့ပြန်နေမိပါတယ်။ နောက်ထပ်စာတမ်းတစောင်ဖြစ်တဲ့
“၅၅”ကို ဝေဘန်ရေးကို ယူလိုက်ပြီး ဖတ်ဖို့ပြင်ပါတယ်။ ခရော့စလီစာရွက်ပြာအပါးလေး တွေပေါ်က
လက်နှိပ်စက်အသေးနဲ့ ရိုက်တာတဲ့စာလုံးတွေကို ကျနော်သတိထားမိလိုက်သလို အသုံး အနှုန်းတွေကို
ကြည့်ခြင်းအားဖြင့် ကျနော်ရင်းနှီးပြီးသားလို့ ခံစားမိပါတယ်။ နောက်များမှ ဆက်စပ်မိသွားတာက
စကားနည်းနည်း ပြောပြီး အလုပ်များများလုပ်တတ်တဲ့၊ ပြောရင်လဲ နာရီနဲ့ချီပြီး ပြောတတ်တဲ့၊
အားမနာတတ်တဲ့ ကိုတင်ထွန်းရဲ့ ပုံရိပ်ကိုပါ။ ဒါပေမဲ့ အဲဒီတုန်းက ကိုမြမောင်ဆိုတာကို
တင်ထွန်းဖြစ်တယ်လို့ ကျနော်မသိခဲ့ပါဖူး။