ကိုကိုးကျွန်းဋိကာ
ပန်းကန်ဆိုတာ ထမင်းစားဖို့သာဖြစ်တယ်
ကျနော်တို့ကို တစ်ကျွန်းပို့ချိန်သမယဟာ
တရုတ်ပြည်မကြီးမှာ “ချန်ချင်းယောင်ဝေယွမ်၊ ၀မ်ဟုန်ဝင်း”စတဲ့ ရွှေကြာပင်များ “တော်လှန်ရေးပေါက်ပေါက်”တွေ
ဖောက်ကောင်းတုန်းအချိန်ပါ။ လျူရှောချီ၊ တိန်ရှောင်ဖိန်စတဲ့ “လက်ဟောင်း”ကြီးများ ၀က်ချေးလူးနေတဲ့
ဝက်တဲထဲကို ဦးနှောက်ဆေးဖို့ အပို့ခံနေရချိန်။ ‘ကြိုအင်းလိုင်’လို လူပင်လျှင် ကံကောင်းလို့
လည်ပင်းစာဆွဲမခံရတဲ့အချိန် ဖြစ်ပါတယ်။ လည်စီးနီတပ်ထားတဲ့ ဆယ်ကျော်သက် ကျောင်းသားနီကလေးတွေက
“ဗဟိုကို အမြှောက်နဲ့ ခွင်းနေချိန်”လဲဖြစ်ပါတယ်။ အဲဒီ “ဆရာမနိုင်၊ နှစ်ဆောင်ပြိုင်”ကလေးတွေရဲ့
“လက်ဝဲသူငယ်နာ” ဗိုင်းရပ်စ်ဟာ တရုတ်တပြည်လုံးကို လှုပ်ခါပြီး၊ “အိုက်ကျင့်”တို့လို ကဗျာဆရာကြီးတွေ၊
“၀မ်မုံ”တို့လို လူလတ်ပိုင်း စာရေးဆရာတွေဟာ ကိုယ့်လည်ပင်း ကိုယ်စမ်းနေရတဲ့ကာလမျိုးပါ။
အဲဒီ “ဗိုင်းရပ်စ်”ဟာ တိုရေရှားရည်နဲ့
မသဒ္ဓါရေစာပေးထားတဲ့ ကျနော်တို့အတွက် တစ်လုံးတည်းသော နေရှင်နယ် ရေဒီယိုကလေးရဲ့ လှိုင်းတိုတွေကနေ
“ကျနော်တို့ရဲ့ ကိုကိုးကျွန်းဆီကိုလဲ စီးမျောလာပါတယ်”
တချိန်ထဲမှာပဲ တောထဲက ပြန်လာသူတွေနာမည်သုံးပြီး
မှူးချုပ်တစ်ဦး (မျက်မှန်ကြီး)ရေးတဲ့ ‘သခင်သန်းထွန်းရဲ့ နောက်ဆုံးနေ့များ’ စာအုပ်အနီနဲ့
အနက်နှစ်တွဲကလဲ စခန်းထဲရောက်လာခဲ့ပါတယ်။
အဲ . . . တိုင်ထူမှတော့ အရိပ်ဖော်ပြီးပေါ့။
ကျွန်းရောက်ရဲဘော်တွေအကြား လှိုင်းတံပိုးတွေ ရိုက်ခတ်လာတော့တာပါ။ အယူအဆတွေ ကွဲလွဲကြ၊
ငြင်းခုံကြ၊ အဖြေညှိမရတဲ့ တချို့ကိစ္စတွေဖြစ်လာကြနဲ့ အမှန်အတိုင်းပြောပြရရင် “လက်ဝဲသူငယ်နာ
လည်းဝင်လာတယ်လို့ပြောရမှာဖြစ်ပါတယ်။ နဂိုက စည်းစည်းလုံးလုံးနဲ့ ချစ်ချစ်ကြည်ကြည်ရှိကြတဲ့
ရဲဘော်တွေအထဲမှာ နာမည်ပြောင်တွေ၊ ငြူစူစောင်းမြောင်းသံ တွေ တချို့ဖြစ်လာပါတယ်။ သိပ်ကိုလက်ဝဲကျတဲ့တချို့ကလဲ
“ကျွံချင်း ကျွံရင် လက်ဝဲကျွံတာကောင်းတယ်”ဆို တဲ့အထိ တဖက်စောင်းနင်း ဖြစ်လာတာတွေရှိပါတယ်။
ထားတော့ ဒီမှာ ပြောချင်တာက သဘောတရားရေး ပြဿနာတွေမဟုတ်ပါဖူး။ အဲဒီအကြောင်းတွေပြောရရင်
သင်ခန်းစာယူစရာတွေပဲလို့ ကျနော်မြင်ပါတယ်။
သည်တော့ နေ့စဉ်နေထိုင်မှု ဘ၀ထဲမှာ အတွေးအခေါ်ပြဋ္ဌာန်း
ထားရမယ်ဆိုတဲ့ ကောက်ချက်နဲ့ ပြုံးချင်စရာကလေးတွေဖြစ်လာတာကို ပြောပြချင်တယ်။ အပြစ်တွေပြောလိုရင်း
မဟုတ်ပဲ အဖြစ်တွေကို ပြောလိုရင်း ဖြစ်ပါတယ်။
ကျနော်တို့အထဲမှာ ရဲဘော်ညွန့်စိန်ဆိုတဲ့
ပုဂ္ဂိုလ်ရှိတယ်။ သူက မန္တလေးက၊ ပျော်တတ်တယ်။ ရဲဘော်တိုင်းနဲ့ခင်တယ်။ သူလုပ်ပေးနိုင်တာဆိုရင်
ဘယ်သူက လုပ်ခိုင်းခိုင်းလုပ်ပေးတယ်။ ငြင်းလေ့မရှိဖူး၊ လူက ညိုညို၊ ၀၀ဖိုင့်ဖိုင့်၊
ပါးစုံ့တွေနဲ့ သူ့ကိုစရင်လည်း စိတ်မဆိုးတတ်ဖူး။
နောက်ပြီး ပူညံပူညံ မလုပ်တတ်ဖူး၊ ခေါင်းအေးတယ်။
ပန်းတိမ်သမားဆိုတော့ အနုပညာဆန်တယ်။ ဆန်တာမှ လူပုံနဲ့မလိုက်အောင်ကိုဆန်တာ၊ လက်မှု ပစ္စည်းလေးတွေကို
သူစိတ်ကူးရ သလို လုပ်နေလေ့ရှိတယ်။
အခုနင်က ကျနော်ပြောခဲ့တဲ့ အခြေအနေမှာတော့
ရဲဘော်ညွန့်စိန်အလုပ်များ ရတော့တာပါ။ သူက ပန်းတိမ်သမားဆိုတော့ ပန်းထွင်းတာတော်တယ်။
စာလုံးထွင်းတာလှတယ်။
ကျနော်တို့ ထမင်းထည့်စားတဲ့ ပန်းကန်တွေက
ဒန်ပန်းကန်တွေပါ။ အဲဒီဒန်ပန်းကန်တွေမှာ စာတမ်းကလေးတွေ ဖော်ဖို့ ဘယ်သူက စိတ်ကူးစပြီးရတယ်တော့
မပြောတတ်ဖူး။ ရဲဘော်ညွန့်စိန်ကတော့ (ကိုင်စရာရွှေတွေငွေတွေမရှိလေတော့) ဒန်ပန်းကန်တွေမှာ
ပန်းဖော်၊ စာလုံးဖော်တဲ့အလုပ်ရပါတော့တယ်။ “ကိုညွန့်စိန်ရေ လုပ်ပါအုံး”ဆိုရင် ပန်းကန်အနားသတ်ပေါ်မှာ
စားလုံးတွေထွင်းပေးဖို့ ရဲဘော်ညွန့်စိန်က မတွန့်ဆုတ်ပါဖူး။ အဲဒီတော့ကျနော်တို့ စားကြရတဲ့ ပန်းကန်တချို့ပေါ်မှာ
ကြွေးကြော်သံစာတမ်းကလေးတွေ အသီးသီး အသကအသက ပေါ်လာပါတော့တယ်။ ကြွေးကြော်သံတွေကလဲ အချိန်နဲ့တပြေးညီ
ရေပန်းစား လောက်တဲ့ (ရုတ်တရက်ကြည့်ရင်ပေါ့လေ) စာတမ်းကလေးတွေပါ။ ဥပမာဆိုကြပါစို့ - ထိုးစစ်ကို
ထိုးစစ်နဲ့ ရိုက်ချိုးကြ၊ ပါတီဗဟိုကို အမြောက်နဲ့ခွင်းကြ၊ ပစ္စည်းမဲ့အောင်ပွဲသို့၊ မော်အတွေးအခေါ်အောင်ရမည်၊
နယ်ချဲ့ လက်ဝေခံများကျဆုံးပါစေ။ နယ်ချဲ့သမားစက္ကူကျားပဲ၊ ရဲသုံးရဲမွေးမြူကြ၊ ပြည်သူကို
အလုပ်အကြွေးပြုကြ၊ ရဲဘော်လွေဖုန်းရဲ့ နမူနာကိုယူ။ စသည်စသည်ပေါ့လေ။
ကျနော့်အတွက်ကတော့ သိပ်မထူးခြားလှပါဖူး၊
ပန်းကန်တွေကို မြင်တိုင်း ပြုံးမိပါပဲ။ ဒါပေမယ့် တချို့ရဲဘော်တွေက သိပ်မကြိုက်ကြဖူး၊
ဟန်လုပ်တာလို့ ယူဆကြတယ်။ အဲဒီအထဲမှာ ရဲဘော်စိန်ချင်းပါတယ်။ (သူက ၅၃ ရက်အစာငတ်ခံတိုက်ပွဲမှာ
အမေကြည် (ရဲဘော်သိန်းကြည်)နဲ့ မရှေးမနှောင်း ကျဆုံးသွားရှာသူပါ)။
ရဲဘော်စိန်ချင်းဟာ အလုပ်သမား ရဲဘော်တယောက်ဖြစ်ပါတယ်။
ပျော်ပျော်နေတတ်တယ်။ ရဲဘော်ညွန့်စိန်လိုပဲ။ အလုပ်တအားလုပ်နိုင်တယ်။ မကြေနပ်တာရှိရင်
ဗြောင်ပြောတတ်တဲ့လူ၊ လူပုံက ခပ်ကြမ်းကြမ်းပေမဲ့ နှလုံးသားက လွှတ်လှတဲ့လူ၊
“ဟေး . . . ဗိုလ်ပေ . . . ကိုယ့်ပန်းကန်မှာလဲ
စာတမ်းတခုထွင်းပေးစမ်းကွာ”
“ဗိုလ်ပေ” ဆိုတာက ရဲဘော်ညွန့်စိန်ကို
ချစ်စနိုးခေါ်ကြတဲ့ နံမယ်ပါ။
“ဗိုလ်ချင်းရ . . . ဘာစာတမ်းထွင်းပေးရမှာလဲ
. . . ပြောပြလေ”
“ပန်းကန်ဆိုတာ ထမင်းစားဖို့သာဖြစ်တယ်”လို့ထွင်းပေး။
ရဲဘော်ညွန့်စိန် အံ့အားသင့်သွားတယ်။
ဒါပေမဲ့ ကိုစိန်ချင်းရဲ့ဆန္ဒကို လိုက်လျောပြီးထွင်းပေးပါ တယ်။ ထွင်းပြီးတော့ ပန်းကန်ပြားပြန်ယူရင်း
ကိုစိန်ချင်းက တဟားဟားရယ်ပါတယ်။
ပန်းကန်တွေက ထမင်းစားပြီးရင် ဖိုကြီးထဲမှာပဲ
သိမ်းထပ်ထားခဲ့ကြတာဆိုတော့ တဦးတည်းပိုင် သဘောမဟုတ်ပဲ ဟိုလူယူစားလိုက် ဒီလူယူစားလိုက်နဲ့
လည်နေတာပါ။ ဒီတော့ ရဲဘော်စိန်ချင်းရဲ့၊ ပန်းကန်ဟာလဲလည်နေတာပါပဲ။ ပန်းကန်လက်ထဲရောက်လို့
စာတမ်းကလေးကို ဖတ်မိတဲ့ လူတိုင်းပြုံးကြရပါ တယ်။ “တက်ကြွလွန်းတဲ့ လက်ဝဲသမား” ရဲဘော်များကလဲ
ရဲဘော်စိန်ချင်းကို စိတ်ခုကြတယ်မထင်ပါဖူး၊ “ဗိုလ်ချင်းတို့ကတော့ လုပ်ချလိုက်ပြန်ပြီ”လို့ပဲ
ပြောကြမယ်ထင်ပါတယ်။
ကျနော်တို့ပြည်တော်ပြန်ကြရတော့ ရဲဘော်စိန်ချင်းကို
ကိုကိုးကျွန်းတစ်နေရာမှာ မြှုပ်နှံထားခဲ့ ရတာ။ အစာငတ်ခံတိုက်ပွဲမှာ ကျဆုံးခဲ့တာကိုး။
ကျနော် တခါတခါစဉ်းစားမိတယ်။ အကယ်၍
များရဲဘော်စိန်ချင်းသာ ကျနော်တို့လို ပြည်တော် ပြန်ခဲ့ကြရရင်။ မကြာမကြာဆုံခွင့်ရအုံးမယ်ဆိုရင်။
“လျှပ်ပန်းခွေနွဲ့ . . . လေသွဲ့ယူငယ် . . . ကနေ”“၀က်ခေါင်း တော်ထိုးတဲ့အခါ”အထိ မေးကလေးရိုက်ဆိုပြီး
တယောထိုးရင်းနဲ့ “ပန်းကန်ဆိုတာ ထမင်းစားဖို့သာဖြစ်တယ်” ဆိုတဲ့အရွှန်းဖောက်စကား ကလေးကို
ပြောနေလေဦးမလားပဲ။
အခုတော့ ပန်းတိမ်ရဲဘော်ကြီးရော၊ ဗိုလ်ချင်းရော
ဒီကမ္ဘာကြီးကို စွန့်ခွာသွားခဲ့ကြပြီ။ သူတို့ရဲ့ စကားသံတွေ၊ လှုပ်ရှားမှုပုံရိပ်တွေကတော့
ဒီကမ္ဘာမြေက လေထုထဲမှာ လွှင့်ပျံကျန်ရစ်တုံးပဲလို့ ကျနော်တွေး မိတယ်။
၅၃ ရက် အစာငတ်ခံတိုက်ပွဲမှာ ဆံခြည်တစ်ချက်
မတွန့်ပဲ ကျဆုံးသွားရှာတဲ့ ရဲဘော်စိန်ချင်း သူ့ပန်းကန်ပေါ်မှာထွင်းသွားတဲ့ “ပန်းကန်ဆိုတာ
ထမင်းစားဖို့သာ ဖြစ်တယ်ဆိုတဲ့ စာတမ်းကလေးဟာ” လောကကြီး တစ်ခုလုံးကိုရော၊ သူကျင်လည်ခဲ့ရာပတ်ဝန်းကျင်ကိုရော
အလေးအနက် ပညာပေးသွားတာပဲလို့ လည်း ကျနော်သဘောပေါက်လိုက်မိပါတယ်။
အဲဒီစာတမ်းထိုးထားတဲ့ ပန်းကန်ကလေးသာရှိနေဦးမယ်ဆိုရင်
သူ့သခင်လိုပဲ ကျဆုံး မသွားသေးခဲ့ဖူးဆိုရင် ကိုကိုးကျွန်းကသမိုင်း အစတစ်စလို့ ပြောရမှာပဲ
ကျနော်ယုံကြည်မိပါတယ်။
မြင့်ဦးသစ်
No comments:
Post a Comment