ကိုကိုးကျွန်းဋီကာ
မြင့်ဦးသစ် ဖိုခေါင်း၊
စားမကောင်း
ထောင်ထဲမှာ
ကျဆုံးသွားရှာတဲ့ ကျနော့် ရဲဘော် ကျနော့်ရဲ့အကိုကြီး ရဲဘော်ခင်မောင်မြင့်က တစ်ခါကပြောဖူးတယ်။
“ဆိုရှယ်လစ် စီးပွားရေးစနစ်ဆိုတာက၊ ကျနော်တို့ စာအုပ်ထဲမှာပဲ ဖတ်ဖူးတာ၊ ကျနော်တို့
လက်တွေ့တည်ဆောက်ဖူးတာမဟုတ်ဖူးဗျ၊ ဒီတော့ ဆိုဗီယက်ကိုပဲ ကြည့်ကြည်၊ တရုတ်ပြည်ကိုပဲ ကြည့်ကြည့်၊
ပြဿနာတွေ အများကြီးကို တွေ့နေရတာ”
အဲဒီအချိန်မှာ
“ဆိုဗီယက်”ကနေ “ရုရှား ဖယ်ဒရေးရှင်း” ဖြစ်ပြီး ဘာလင်တံတိုင်းကြီးပြိုကျပြီးချိန်၊ တရုတ်မှာလဲ
လူပုလေးတိန်ရှောက်ဖိန်က “ပြည်သူ့အရင်းရှင်စနစ်”ကြီးကို တွန်းတင်နေချိန်ပါ။ ကျနော်တို့လဲ
“ရှေးအတီတေ ဘုံမြေခေတ်”ကို မျှော်လင့်ပေမယ့် ကမ္ဘာ့ အပြောင်းအလဲတွေက မျက်စေ့တွေပြာဝေ
သွားအောင် ပန်းစကြာ မှန်ပြောင်းလှည့်သလို ပြောင်းလဲနေတာမို့ ပါးစပ် အဟောင်းသား ဖြစ်နေရချိန်။
၉၀စုတွေပေါ့။
အဲဒီကာလကနေ
နောက်ဘက်ပြန်ကြည့်လိုက်တော့ ၇၀ရာစု အစောပိုင်းကာလတွေက ကမ္ဘာမှာ လှိုင်းတံပိုးထန်နေခဲ့တဲ့
လက်ဝဲဂိုဏ်းသဘောတရားတွေဟာ တရုတ်မှာ၊ ရုရှားမှာ၊ ဥရောပတချို့နိုင်ငံတွေမှာ ရိုက်ခတ်မှု
အတော်ပြင်းခဲ့တယ်ဆိုရမှာပါ။
အဲဒီ
ရိုက်ခတ်မှုတွေဟာ ရေပတ်လည်ဝိုင်းရံလျက်ရှိသော၊ ငါးမန်းများ ခြံရံလျက်ရှိသော၊ ဘယ်ရုံးက၊ ဘယ်တရားသူကြီးက၊ ဘယ်ပုဒ်မနဲ့ ဘယ်မျှသော
နှစ်ခံရမည် ပြဋ္ဌာန်းထားခြင်းမရှိပဲ “ထိန်းသိမ်းခံ” ဥပဒေပလူသားများအား ပို့ဆောင်ထားရာ
ကိုကိုးကျွန်းကလေးကိုလည်း ကြံဖန်ဖြဲရဲပြီး ရောက်ရှိလာခဲ့တာပါပဲ။
တိုရေ
ရှားရေ ရထားတဲ့ တစ်လုံးထဲသော နေရှင်နယ် ရေဒီယိုကလေးကို အလံနီတစ်လှည့်၊ ဗကပ တစ်လှည့်
နားထောင်ကြရတဲ့ အခြေအနေမှာ တော်တော်ကြိုးစား ပန်းစား လိုင်း” ဖမ်းကောင်းမှုကြောင့် ပီကင်းရေဒီယိုရဲ့
လက်ချာတွေ ရခဲ့တာပါ။ ဒီမှာပဲ တချို့သော ရဲဘော်တွေကြားထဲမှာ၊ “ချွန်ဖို့မလိုဘူး နီဖို့ပဲလိုတယ်”
ဆိုတဲ့ သဘောထားတွေနဲ့အတူ “ပညာတတ်ဆန့်ကျင်ရေး”တွေ အရှိန်အဟုန်နဲ့ မြင့်လာပါတယ်။ ရီစရာလေးပြောရဦးမယ်။
ကျနော်က “လွီစ်အွန်တာမယဲ”ရေးတဲ့ “ကဗျာဆရာများရဲ့ဘ၀တွေ” စာအုပ်ကို ဖတ်တဲ့အတွက် “ပြန်လည်ပြင်ဆင်ရေး
အတွေးအခေါ်” ရှိတယ်လို့ အခုတော့ ဆုံးသွားရှာပြီဖြစ်တဲ့ ရဲဘော်လေး တစ်ယောက်က ဝေဖန်ပါတယ်။
ဖြစ်နိုင်ရင် “မော်စီတုန်းအတွေးအခေါ်” စာအုပ်နီကလေးကိုပဲ အလေးအနက်ဖတ်ပါ။ အခြားဘာမှ ဖတ်စရာ
မလိုဘူးဆိုတဲ့ အဲဒီရဲဘော်လေးရဲ့ စကားပြောဟန်ကိုလဲ မျက်စေ့ထဲ မြင်ယောင်နေဆဲပါပဲ။
မန္တလေးထောင်က
ရဲဘော်တွေနဲ့ပါလာတဲ့ စာအုပ်တွေ အတော်များများမှာ ရဲဘော်ဖိုးသံချောင်း အိမ်ကပို့ပေးခဲ့တဲ့
စာအုပ်ကောင်းတွေ အတော်များများပါပါတယ်။ အဲဒါတွေကို စာကြည့်တိုက်ကလေးလုပ်ထားပြီး ပထမပိုင်းတော့
ယူယူဖတ်ကြပါတယ်။
ချန်ချင်းတို့
ယောင်ဝေယွမ်တို့ ၄ယောက်ဂိုဏ်း ကိုကိုးကျွန်းကို လေလှိုင်းက စီးမျောလာပြီးတဲ့ နောက်ပိုင်းမှာတော့
“အနောက်က အဆိပ်အတောက်”တွေ စုစည်းထားတာလို့ လက်ညှိုးငေါက်ငေါက် အထိုးခံရတဲ့ စာကြည့်တိုက်ကလေးဟာ
အတော်မျက်နှာ ငယ်သွားရှာပါတယ်။ “ဘာသာစကားမှာ လူတန်းစားလက္ခဏာမရှိဖူး” လို့ စတာလင်က
“မတ်ဆစ်ဇင်အဲန်လင်ဂွစ်စတစ်” စာတမ်းမှာ ဆိုခဲ့ဖူးကြောင်း ပြောတဲ့ကျနော်ကို ကျနော်တော်တော်ခင်တဲ့
ရဲဘော်တစ်ယောက်က သတိပေးပါတယ်။ “သတိထားပြော ရဲဘော်….ကမ္ဘာပေါ်က ဘယ်အရာမှာမှ လူတန်းစား
တံဆိပ် ခပ်နှိပ် မထားတာ မရှိဘူး” လို့ စာအုပ်နီကလေးက ဆိုတယ်” လို့ပြောရှာပါတယ်။ ဒါကအခြေအနေ
နောက်ခံကား။ ။
ဒီမှာကျနော်ပြောပြချင်တာက
ဖိုကြီးနဲ့ ကျနော်ရေစက်ဆုံခဲ့တဲ့ပုံကလေးပါ။ နဂိုကထဲက အလုပ်ကြမ်းတွေနဲ့ မနီးစပ်ခဲ့တဲ့ကျနော်ဟာ
ထင်းခွေတဲ့အလုပ်၊ ရေခပ်တဲ့အလုပ်ဆိုတဲ့ နည်းနည်း
အလေးစား အလုပ်တွေနဲ့ ကြုံတဲ့အခါ ဒုက္ခရောက်ပုံပါ။ သစ်နီပင်ကြီးတွေ ခုတ်ရ လှဲရ
စိတ်ရတဲ့ အလုပ်ဟာ ကိုယ်အပါအ၀င် အားလုံးမှာ တာဝန်ရှိတယ်၊ ကိုယ့်ကိုယ်ကိုလဲ မညှာသင့်ဖူးလို့ခံယူပြီး
ထင်းဝင်ထမ်းရင်း ဆန်အိတ်ဝင်ထမ်းရင်း ခြေထောက်ကို သံစူးပါတယ်။ သံစူးတာကို ဗီးဇပ်ရွက်
သိပ်ထည့်ပြီး နဲနဲကောင်းလာတော့ ကမ်းခြေဆင်း ခရုရှာကြတဲ့ ရဲဘော်တွေနဲ့ လိုက်သွားရာက
အဲဒီသံစူးရာကိုပဲ ကျောက်ပုစွန်ထပ်စူးပြန်ပါတယ်။ အဲဒီဒဏ်ရာ လုံးဝအကင်းသေသွားဖို့ တစ်လလောက်ကြာပါတယ်။
ဒါက တစ်ခု။
ငယ်ငယ်တုံးက
ရေထမ်းဖူးတာပဲဆိုပြီး စခန်းပြင် ရေထွက်ထမ်းတဲ့ အဖွဲ့နဲ့လိုက်၊ ရေထမ်းဖို့ကြိုးစားပါတယ်။
“ဘော်ဒရီ ထောက်၆”မှာတုံးက ကျောဘက်က သေနတ်ဒင်နဲ့ အဆောင့်ခံထားရတဲ့ ဒဏ်က ပေါ်လာပါတယ်။
ပထမ တစ်ခါထမ်းတုံးကတော့ မသိသာသေးဖူး။ ဒုတိယတစ်ခါထမ်းတော့ ခါးစောင်းသွားအောင် ခါးနာတာ
ဖြစ်တော့တာပဲ။ ရဲဘော်မြတ်စံဦးတို့၊ ရဲဘော်ထွန်းဝင်းတို့၊ ရဲဘော်တေဇတို့ သွက်သွက်လက်လက်
ထမ်းသွားကြတာကြည့်ပြီး ကိုယ့်ကို မကျေမနပ်ဖြစ်ရပါတယ်။
အဲသလို
ကျနော့်ရဲ့ ပျော့တော့တော့ အခြေခံတွေကြောင့် ရဲဘော်တွေက အလုပ်ခွဲကြတဲ့အခါ၊ ကျနော်ဟာ
“ဖိုကြီးတာဝန်” ဖြစ်လာပါတယ်။ ခပ်နောက်နောက်ကလေး ခေါ်ကြတာကတော့ “ဖိုခေါင်း”ပေါ့။
နောက်ကျနော်လုပ်ဖြစ်တာတစ်ခုကတော့
ဆံပင်ညှပ်လာတဲ့ ၀ါဒါဆီကနေ ဆံပင်ညှပ်နည်းသင်ပြီး ရဲဘော်တွေကို ဆံပင်ညှပ်ပေးတာပါ။ ကျနော့်ဖောက်သယ်တွေက
ရဲဘော်ခင်မောင်မြင့်၊ ရဲဘော်တင်ညွှန့်၊ ရဲဘော်လေးမွန်၊ ရဲဘော်တင်အေးစတဲ့ ပုံဘယ်လောက်ပျက်ပျက်
မညည်းမညူ ခံတဲ့ ရဲဘော်တွေပါ။ တချို့ရဲဘော်တွေ ကတော့ ကျနော် ညှပ်ပေးတဲ့ပုံကို သိပ်မကြိုက်တာနဲ့ကို
“မော်ဒန်ပုံတွေ”လို့ ချစ်စနိုးနောက်ရင်း အညှပ် မခံကြပါဖူး။
ဘဲဥကျော်ဖူးတာနဲ့
တို့စရာပြုတ်ဖူးတာပဲ အတွေ့အကြုံရှိတဲ့ကျနော်။
အဲဒီကျနော်က ဖိုတာဝန် (ခပ်နောက်နောက်ကလေး ခေါ်ကြတာက ဖိုခေါင်း)ယူလာရတဲ့အခါ။ ဒီဖိုမှာ
စားရတဲ့လူတွေအားလုံး ကံကောင်းတာပဲလား၊ ကံဆိုးတာပဲပြောဖို့ခက်တဲ့ အခြေအနေပါပဲ။
အမေကြည်
(ကိုသိန်းကြည် ကျဆုံး)တို့ ရဲဘော်တင်ရီ (၀ါးခယ်မ)တို့ ဖိုတာဝန်ကျရင် အတော်စားလို့ ကောင်းအောင်ချက်နိုင်ကြပါတယ်။
အခြားရဲဘော်တွေလဲ အတူတူပါပဲ။။ ကျနော့်လက်ရေထက်တော့သာတာချည်းပဲ။ တော်တော်ညဉ်းငွေ့စရာကောင်းတဲ့
ရာရှင်အမဲသားဗူးနဲ့ သစ်သီးဗူးကိုတောင်မှ စားချင့်စဖွယ်ချက် တတ်ကြပါတယ်။ စခန်းပြင် ကရလာတဲ့လိပ်တို့၊
ငါးတို့ဆိုရင်တော့ ပိုတောင်ကောင်းပါသေးတယ်။ ကိုတင်ရီရဲ့ လိပ်ဆီနဲ့ ထမင်းကြော်၊ ကိုလှိုင်တင်ရဲ့
ထားဝယ်ဟင်း။ အမေကြည်ရဲ့ လိပ်ဥ ဆနွင်းမကင်း၊ ဒါတွေဆို ခုထိ မမေ့နိုင်စရာတွေပါ။
ကျနော်
ဖိုတာဝန်ကျတဲ့နေ့တစ်နေ့မှာ ငါးလိပ်ကျောက်လို့ကျနော်ထင်ပါတယ်။ ချက်ဖို့ကြုံပါရော။ ကျနော့်ကို
ကူညီတဲ့အဖွဲ့ကလဲ အသေအချာ ကူညီကြပါတယ်။ ဟင်းနံ့ကတော့ မွှေးပျံ့လို့ပါပဲ။ တစ်ခါ အတို့အဖြစ်ဟင်းချိုရွက်တွေကို
ဟင်းချိုမချက်တော့ဘဲ အပြုတ် သက်သက်ပဲ ထားပေးလိုက်ပါတယ်။ ကျနော့် စိတ်ကူးကတော့ နဲနဲထူးခြားသွားအောင်ပါ။
ထမင်းစား
သံချောင်းခေါက်ချိန်မှာ လာစားကြတဲ့ လူကြီးတွေရော လူငယ်တွေရော ကြုံသလိုတော့ တွယ်ကြတာပါပဲ။
ဒါပေမယ့် ဟင်းက ဆားအတော်ငန်သွားတာ နောက်မှပဲ သိရပါတယ်။ အဲဒါကို အရွှတ်အနောက်သန် တဲ့
ရဲဘော်လှတင်အောင် (ကွယ်လွန်)က စာချိုးပြီး ဖောက်ပါတော့တယ်။ ထောက်ခံတာက ရဲဘော်အောင်ငြိမ်း (အတိုလေး)ပါ။ သူတို့က ထမင်းစားပွဲပေါ်မှာ
“မြင့်ဦးသစ်ဖိုခေါင်း၊ စားမကောင်း”လို့ စာချိုးကို မီးသွေးခဲနဲ့ ခြစ်သွားတာကိုး။ အဲဒီတုံးက
ငန်တူးနေတဲ့ဟင်းနဲ့ အရသာမဲ့တဲ့ ဟင်းရွက်ပြုတ်ကို ဖြစ်သလို စားကြရပေမဲ့ အပြုံးမပျက်၊
အနောက်မပျက်ခဲ့ကြတဲ့ ရဲဘော်တွေအကြောင်း စဉ်းစားမိတဲ့ အခါတိုင်းလိုလိုမှာတော့ မတူခဲ့တာ၊
ကွဲလွဲခဲ့တာ၊ တံဆိပ်တပ်ခံခဲ့ရတာတွေလဲ မေ့သွားတော့တာပါ။ သေချာစစ်ကြည့်လိုက်တော့ “ပစ္စည်းမဲ့”
ဖြစ်ချင်နေကြသူတွေထဲမှာ “တကယ့် ပစ္စည်းမဲ့တဲ့
အလုပ်သမား” ဆိုလိုမူးရင် ရှူစရာလောက်ပဲ ပါခဲ့တာကိုး။
မြင့်ဦးသစ်