မောင်ဒေါရဲ့
အတွေးစည်ပိုင်း
ရီယို + ၂၀ နှင့် သတင်းဆိုတာ
အင်တာနက်ဆိုလား၊ အင်တာဖြူဆိုလား အဲဒါကြီးကိုပဲ
ကြည့်ကြည့်၊ ဂြိုတ်တုစလောင်းဖုံးက လာနေတာ တွေကိုပဲ ကြည့်ကြည့် သဘာဝကြီးက လူသားကို ဆော်နေတာတွေနှင့်
လူသားချင်းဆော်နေကြတာတွေကို စိတ်ညှိုးချုံး စရာ အများကြီးတွေ့နေရ၏။ “အကောင်းကိုရှာသည်၊
အကောင်းကမရှိတော့၊ ပြည်ကြီးပြန်သွားလေပြီ”ဟု ဆိုရမလောက် ဖြစ်ပေ၏။ အရင်းစစ်လျှင်၊ အမြစ်မြေကဟု
ဆိုရမည်ဖြစ်၏။ ထို‘အဆိုး’များ၏ လက်သည်အစစ်ကား ‘လူသား’ပင်ဖြစ်၏။ ငြင်းနိုင်ဖွယ်မမြင်ပါ။
ကမ္ဘာကို ညစ်ပတ်အောင် လုပ်တာလည်း လူ၊ ကမ္ဘာကို ပူလောင်အောင် လုပ်တာလဲ လူ၊ ကမ္ဘာကို ဆူပူအောင်လုပ်တာလဲ
လူပဲဖြစ်၏။ ခွေးများ၊ နွားများ၊ ကျားများ၊ မြွေများက အနှီကိစ္စများကို လုပ်နိုင်လာက်အောင်
မစွမ်း ကြပါ။
ထိုထိုသော အလွန်တရာ စွမ်းလှချည့်ဆိုသည့်
လူတွေသည်ပင် ဘာကမျှ အရာမထင်သော အလုပ်များ ကိုလည်း ငွေကုန်လူပမ်း သံပြာ ကြိုးပမ်းနေကြပြန်၏။
ဥပမာ - အခုတလောနဲနဲပွက်စိထလာသည့် “ရီယို အပေါင်း လက္ခဏာ နှစ်ဆယ်”ဆိုသည့် လေဖမ်း ၀ါးတန်းချည်ပွဲကြီး။
ထိုကမ္ဘာမြေညီလာခံဆိုတာကြီးကို ဂျပန်မှာလုပ်လိုက်၊
အာဖရိကမှာလုပ်လိုက် ဘရာဇီးမှာ လုပ်လိုက်နှင့် နှစ်ပေါင်းနှစ်ဆယ်စုတစု ဖြစ်ခဲ့ပြီးပြီ။
လေထုညစ်ညမ်းမှု ရေထုညစ်ညမ်းမှု၊ ကမ္ဘာကြီးပူနွေးလာမှု၊ ဘာညာကွိကွ၊ ၀ိဝတွေကို အတော်ဆူဆူညံပြောကြ၏။
ညီလာခံ ခမ်းမထဲက ဆင်းလာသော ကိုယ်စားလှယ်တွေ ဟိုတယ်ပြန်ကြတော့ ဘယ်သူမှ ကုန်းကြောင်းမလျှောက်။
ဖင်က မီးခိုးထွက်သည့် လီမဇင်းကားကိုယ်စီနှင့် ကြွချီတော်မူကြကုန်၏။ စောစောက ခမ်းမ အတွင်းမှာ
လက်သီးလက်မောင်းတွေတန်း၊ စားပွဲခုံတွေထု၊ ဘွတ်ဖိနပ်တွေခေါက်နှင့် စကားစစ်ထိုးပွဲတွေ
ရေထဲမျောသွား လေ၏။
မြေကြီးဗိုက်ထဲက ရေနံတွေတူးထုတ်ပြီး
လူတစ်ကိုယ်ကို ‘ဖရဲရေး’ ကားလေးငါးစီး စီး၊ မြေကြီးညစ်ညမ်း အောင်လုပ်နေတဲ့ သင်းတို့တွေ၊
နျူကလီယားတွေ အမျိုးမျိုး ပဉ္စလက်ပြပြီး ကမ္ဘာ့လေထုကို ဗလက္ကာယလုပ်နေတဲ့ သင်းတို့တွေ၊
ကမ္ဘာသစ်တောတွေကို အမှုံ့ကြိတ်ပြီး စက်တွေက ကာဘွန်ငွေ့တွေ တစ်ဝ ထုတ်နေတဲ့ သင်းတို့တွေ
အ၀ှာ ပါးစပ်က နတ်စကားထွက်နေသမျှ မောင်ဒေါတို့ခံ . . . ခံ . . .။ ပက်ပက်စက်စက်ခံ၊ အ၀ခံ၊
စပါယ်ရှယ်ခံ၊ ခံပေါင်းများစွာ နဲ့ခံ၊ ဟုတ်ကဲ့၊ နဲနဲရင့်သွားတယ်ဆိုရင် မျက်စိသည်းညည်းခံပေးပါခင်ဗျ။
အမှန်ကတော့ ဒါထက်တောင် “တုတ်”လိုက်ချင် ပါသေး၏။
အကယ်၍ တစ်ယောက်ယောက်က မောင်ဒေါအား
မေးညားအံ့။ “ဟဲ့ကောင် ငဒေါ အဲဒီကမ္ဘာမြေကိစ္စကြီး တွေအတွက် နင်ကကော ဘာလုပ်နေသလဲ”ဟု “သစ်ပင်တွေ
သိပ်မခုတ်ကြပါနဲ့ခင်ညာ”“ကာဘွန်မီးခိုးငွေ့ သိပ်မထုတ် ကြပါနဲ့ ခင်ဗျာ” စသည်ဖြင့်ပေါ့လေ၊
မောင်ဒေါပြောနိုင်သလောက်၊ သလောက်၊ ကျယ်နိုင်သလောက် ကျယ်ကျယ်လေး ပြောပါမည်ခင်ဗျ၊ ဒါတောင်မှ
ကမ္ဘာ့အရှေ့ဘက်က ကလေးခေါင်းဆောင်ကလေးက သော်လည်းကောင်း၊ အန်ကယ်ဆမ် ကြီးတို့ဘက်ကလည်းကောင်း၊
ဝက်ဝံကြီးများနိုင်ငံက ခါးပတ်နက်ငနဲကြီးကသော်လည်းကောင်း၊ မောင်းသူမဲ့ ဒရုန်းလေ ယာဉ်ပျံနဲ့
မရမ်းကုန်း ချောင်ကြိုချောင်ကြားထဲကို နပမ်းဗုံးလာကြဲမှာလဲ စိုးရိမ်ရပါသေး၏။ အဲဒါကြောင့်မို့လဲ
လိုရမယ်ရပါ ပဲ၊ ဘိုတော်မြဲဆီသွား၊ “ဆေးနွား” ကလေးတောင်းပြီး ဆောင်ထားရင် ကောင်းမလား?
အာဖရိက-ဇမ်အီဇီမြစ်ဘေးက ဂျစ်ပဆီ ဘွားတော်ကြီးဆီသွား၊ “ဗူဒူး” ရုပ်ကလေး ဆောင်ထားရကောင်းမလား၊
တိဘက်တောင်ပေါ်က လာမားဘုန်းကြီး ဆီသွား၊ တုန်တုန်တုန်ခေါက်တဲ့ ဂမ္ဘီရ ခလောက်ကလေး တောင်းထားရကောင်းမလား၊
မောင်ဒေါရဲ့ စည်ပိုင်းထဲမှာ ဗလောင်ခတ်လာခဲ့ပါ၏။ တကယ်ပြောတာပါ။
ဒါတွေ ယောက်ယက်ခတ်နေတုံးမှာပဲ။
နို့ဆီခွက်တယ်လီဖုံးက အယ်ဒီတာ မောင် တစ်ယောက်၏ အသံ က ခြံထဲက တစ်တီတူးသံလို ကြည်နူးစဖွယ်ထွက်လာ၏။
“ဦးအန်ကယ်ဒေါ . . . နိုင်ငံတကာကိစ္စတွေနဲ့
ပတ်သက်တာတွေ ရေးစမ်းပါ။ အဲဒါတွေက နဲနဲဟော့တယ် လေ”တဲ့ . . . ။
ဟိုက် . . . အားယိုး . . .၊ နိုင်ငံတကာ
ကိစ္စဆိုပါလား၊ အစောကစဉ်းစားခန်းခဲမှာလည်း နိုင်ငံတကာ အကြောင်းပဲလေ။ ဟုတ်ကပြီး မောင်ရဲ့စည်ပိုင်းကို
ခပ်နာနာကလေး ခလောက်ကြည့်လိုက်၏။ အင်း . . . ကောင်းတာနဲ့ မကောင်းတာ ဒုတိယဟာက များနေပါကလား
ကရို့။ အဲလ်ဂျာဇီးရား၊ စီအဲန်အဲန်၊ အဲန်အိပ်ကေ၊ စီစီတီဗီ၊ အာရိရန်၊ တီဗီအီး၊ “အပ်ချလောင်း”
လာစမ်းလဟဲ့။ မောင်ဒေါတော့ အတော်ရွဲ့သွားပါ၏။ “အနိဌာရုံသည်သာလျှင် သတင်းဖြစ်၏။” ဟုယူဆနေသလား
မပြောတတ် မောင်ဒေါမျက်စေ့ရှေ့က ပေါ်လာတာတွေရဲ့ ရာနှုန်းရှစ်ဆယ်ကတော့ အနိဌာရုံတွေချည်း
ပဲ။ အာရှ၊ အာဖရိက၊ လက်တင်အမေရိက၊ နေရာတော်တော်များများ။
ဤတွင် ဆော်ဖလော်ဖီ (အဲလေယောင်လို့)
ဖလော်ဆော်ဖီဆန်ဆန်တွေးဖို့ ဖြစ်လာ၏။ အကောင်းရှိ မည်၊ အကောင်းရှိရင် အဆိုးရှိမည်၊ ကောင်းတာများရင်
အကောင်း၊ ဆိုးတာများလျှင် အဆိုးဆိုရမည်။ ကောင်းသည်ဆို သည်မှာ လုံးဝအဆိုးကင်းသည်ဟု မယူဆနိုင်၊
ဆိုးသည်ဆိုသည်မှာလည်း လုံးဝ အကောင်းကင်းသည်ဟု မယူဆနိုင်၊ အဲသလိုကလေး စည်ပိုင်းထဲ အမြှုပ်ထလာတော့မှ
ရှန်ပိန် မြမြမျိုလိုက်ရသလို မောင်ဒေါနေသာထိုင်သာ ရှိသွားပါ၏။
မောင်ဒေါ၏ ဘရာသာကြီးက မောင်ဒေါကို
ပို့ချဖူးသည့် လက်ချားတွေ ဒုတ္တာတွေထဲက တစ်ခုကို မောင်ဒေါသတိရလာ၏။ “ ငဒေါရ လောကမယ်
(သူက‘မှာ’ဟု မပြောပါ။ ဘယ်ကနေကောက်ရထားမှန်း မသိသည့် ‘မယ်’ ကို သုံးပါ၏) အဲ့လောကမယ် ဖက်ဆီမစ်ဇင်းနဲ့
အော့ဖတီးမစ်ဇင်းဆိုတာ ရှိတယ်ကွ၊ ဖက်ဆီမစ်ဇင်းဆိုတာက အဆိုးမြင် ၀ါဒသက်သက်ကိုပြောတာ၊
အော့ဖတီးမစ်ဇင်းဆိုတာကတော့ အကောင်းမြင်ဝါဒ သက်သက်ကိုပြောတာပဲ။ အဆိုးချည်းပဲ မြင်နေတာဟာလဲ
အဆင်မပြေဖူးကွ၊ အကောင်းချည်းပဲ မြင်နေတာကလဲ ဘက်မစုံဖူးကွ၊ ဆိုးတာလဲကြည့်၊ ကောင်းတာလဲ
မြင်တတ်ရမယ်။ ဆိုးခြင်း၊ ကောင်းခြင်း ဆိုတာကလဲ ခံစားသူနဲ့ တိုက်ရိုက်ပတ်သက်တာဟ။ ဖက်ဆီမစ်စတစ်
အော့ဖတီ မစ်ဇင်းနဲ့ အော့ဖတီမစ်စတင် ဖက်ဆီမစ်ဇင်းသဘောကို နားလည်အောင် ခံစား လေ့ကျင့်ထားရမယ်”
အိုး . . . ဝေါင်း (ဒါ ခွေးဟောင်သံ၊
ခြင်္သေ့အူသံ မဟုတ်ပါ၊ နိုင်ခြံဂါး အာမေဋိတ်တစ်ခုကို နိုင်ငံတကား ဆန်ဆန် ရင့်ကျူးလိုက်တာပါ။)
သူရှင်းပြသဖြင့် နားလည်သလိုလို၊ နားမလည်သလိုလိုရှိပါ၏။ မောင်ဒေါစည်ပိုင်းထဲသို့ လဒတွေရော
စာကလေးတွေရော ကျီးကန်းတွေရော၊ မိုးစွေငှက် ကလေးတွေရော ရောက်ရှိပျံသန်းလာကြပါ၏။ ဟုတ်ကဲ့
ကောင်းသတင်းတွေလည်း ရှာကြည့်ပါအံ့၊ ဣဌာရုံ သတင်းများလာလော့၊ စည်ပိုင်းတွင်း ၀င်လှည့်ကုန်လော့၊
ဥုံမဏိပဒ္ဒေ ဟုံ . . . ဥုံမ် . . . ရှရီနာရာယမ်း . . .။ ထိုသို့ သတင်းကောင်းများကို
ခေါ်ယူလိုက်သောအခါ သတင်းကောင်းတည်ရာကား ကျုပ်မောင်ဒေါ၏ ဂေဟာ ပတ်ဝန်းကျင်တွင် တွေ့ရလေ၏။
(၁) မောင်ဒေါ၏ ကျောင်းဒေါင့်၌ အချင်းဆယ်ငါးလက်မ
အပွင့်ရှိသော တောင်ပို့မှိုကြီးဖြစ်ထွန်းပေါ်ပေါက် ခြင်း (၂) မောင်ဒေါ၏ ပိန်မကျွဲကောပင်မှ
ရွတ်ရွတ်ချွံချွံ တလုံးတည်းသီးလာသော လုံးပတ်လက်မ ၅၀ ရှိ (လူတစ်ယောက် ရွက်ရသော) ကျွဲကောသီးတစ်လုံး
သီးလာခြင်း (၃) မောင်ဒေါ၏ ခြံထောင့်မှ ခြံတောင်ပို့ပေါ်တွင် လက်မလုံးခန့် ခြကြီး တစ်ကောင်နှင့်
ခြေမလုံးခန့် ကင်းမြီးကောက်မဲကြီး တစ်ကောင်ကို အတူတွေ့ရှိရခြင်း (၄) စာသင်ခန်းထဲတွင်
ကောက်ရ၍ မောင်ဒေါသုံးနေသော ခဲဖျက်အဖြူတုံးကြီးတစ်တုံး ပျောက်ဆုံးသွားရာမှ မူလထားရာတွင်
တွေ့ရှိရပြီး ၎င်းကိုကြိုးနှင့် ဖောက်ကာ ထိန်းသိမ်းထားခြင်း။
ကဲ . . . အိုပဲန်းစာတည်းချုပ်ကြီး
. . . ကျုပ်ရရှိထားတဲ့ ဒီသတင်းတွေနဲ့ ဓာတ်ပုံတွေကို အီးမေး၊ ဂျီမေး၊ အက်ဖ်မေး၊ အိပ်ခ်ျမေးတွေမှနေ၍
ပို့လိုက်ပါမည်၊ အများပြည်သူစိတ်ချမ်းမြေ့စေဖို့၊ ပုဝါစထောင် အယ်ချုပ်ကြီးက၊ ပမာပြ
သယောင် အလယ်အုပ်စီးပြီး ကလောင်အပြီးတို့ကာနဲ့ . . . မောင်ကြီးပို့စေ စမြောင်။
(ဟာ . . . ဘာတွေမှန်းလဲ သိဖူးနော်)
ဗညားဂျမ်းဒေါ(ကွမ်းခြံကုန်း)
No comments:
Post a Comment